Sam KevinDimarucot

Labimpitong taon na akong nagtatrabaho. Walo hanggang siyam doon, nasa loob ng silid-aralan — private at public schools.

Pero hindi lang pagtuturo ang sinubukan ko. Maraming negosyo ang pinasok ko, at marami rin doon ang bumagsak. Bawat isa, may tinuro sa akin: kung paano magpresyo, kung paano makipag-usap sa customer, kung kailan dapat tumigil.

Sa online selling ako tuluyang nag-stay. Ecommerce, Facebook ads, automation, at paggawa ng sistema para sa negosyo — dito ko nakita na kaya palang paulit-ulit na kumita mula sa isang bagay na minsan mo lang ginawa.

Ngayon, ako ang gumagawa ng software na ginagamit ng mga negosyanteng Pinoy, ako rin ang nagpapatakbo ng sarili kong ecommerce, at ako ang nagpapaikot ng ads para sa mga kliyente. Alam ko ang parehong panig — ang gumagawa at ang nagbebenta.

Hindi ako programmer nang nagsimula ako. Taong may problemang kailangang solusyunan lang ako. Kaya kapag kausap ko ang isang negosyante, hindi ako nagsasalita ng teknikal — tinatanong ko kung paano gumagana ang araw niya, at doon ko binubuo ang sistema.

Nasa Pampanga ako, kasama ang pamilya ko. Simple lang ang pangarap: mga negosyong tumatakbo kahit wala ako, at kalaunan, kakayahang tumulong sa iba.